話說，某天，早上十時許……
還在床上賴著睡的我接到一通電話…..
來電顯示是國內電話：86-158 20xx xx40，不在我手機電話簿內的。
電話那方傳來略帶口音的廣東話：喂，我係阿黃呀，聽日我過來搵你飲茶。
睡意朦朧、混沌不醒的我，唔哦以對：好啊….好啊…..
那個阿黃說：明天見啦…..(收線)…..
————————-
睡到中午十二時醒來……
再開手機看來電號碼，不認識的。
再回思，剛才那人的說話口音和語氣…….
嗯，十分像我認識不久、另一家大出版社的社長黃先生，咱們兩人在月前見過面喝過啡談過合作的事呢，今早打電話給我的是他吧。
合作的考慮有進展嗎？好極！
—————————
第二天晨咁早，六時不到….
手機再響起，那個阿黃再打電話給我。
他很細聲地說：早晨呀，唔好意思，咁早嘈醒你…..
睡得模糊的我回答：沒關係…..有什麼事嗎？
阿黃：昨夜與三位朋友在珠海唱Ｋ，撞正公安掃黃，全都被拉…..
我（唔敢問咁詳細）：下，咁大獲？點辦？
阿黃：係咁的，有個公安頭話可以私下放人，但每個人要各罰款兩千，我個身度只得三千，還差五千，你可唔可以幫我忙借住五千蚊俾我？要今晚七點前過數…..你用櫃員機過數幫我可以嗎？我返香港後會盡快俾返錢你…..
我（心諗 ，喂，識你無耐乍喎）：喔，五千元，我無咁多現金喎….
阿黃：咁….有幾多？
我（將來有合作，唔好咁難看嘛）：兩千都有的….
阿黃：都好啦…我再搵其他朋友….你寫低戶口號碼啦…工商銀行..234556789..
我（抄下戶口號碼）：哦….哦…..工商銀行..234556789….
阿黃：盡快呀…..幫忙呀…..
我（忽然想起）：咦？你的電話號碼唔同的？
阿黃：我有幾張電話卡….
—————————-
十二點起身，看看那張抄著戶口號碼的紙……
拿起卡片簿看看黃社長的卡片，是啦，電話號碼不同。
不過，那個阿黃說話的語氣和口音，真的有九分像阿黃社長啊！
印象中的黃社長，唔多似係經常去娛樂場所玩女唱Ｋ的人喎。被朋友拖累？
同黃社長唔熟，穩陣起見，打個電話俾佢問候一下，關心一下，都唔會話得罪佢。
黃社長：喂？邊位…..啊，敖大俠….你好….
我：黃老闆，你而家係邊？
黃社長：係公司….九龍灣……
我：你昨日有無去珠海？無？哎呀，剛才有個人打電話俾我，佢自稱阿黃，口音好似你，佢話被公安拉左要罰款，要我幫佢…..
黃社長：無咁的事…好彩你打俾我，否則你就做左傻仔，俾人呃錢！
我：………….
—————————
當日下午四時半…..
阿黃再打電話來：點呀，拜托你的事辦成點呀？
我：哦….你叫乜名，我幫你報公安…..
阿黃：XYZ$*HGXG!?amp;%I….（掛線）…….
瀏覽人次：2164
近期迴響