蘿蔔糕

 
又到年尾,大陸春運開始,各地民工紛紛返家鄉過春節……

往來東莞的交通很亂,酒店附近的街道亦很亂,所以暫停常平的生活,可是,在香港的家很吵(除了上層單位無時無刻很重步地走來走去、樓下中午會勁開音響兩三個小時、左面單位由朝到晚彈鋼琴、右面單位的小孩整天尖叫外,很不幸,對面單位上兩個星期剛搬來一對隔天就開住門大聲吵架的夫婦….. @@),無法提起心情寫小說。

百無聊賴之際阿女忽然投訴,我已經兩三年無做蘿蔔糕,好想食喎!
好!既然係咁,今年做番幾底,氹下個乖女,還可應酬班親戚!

買好大部份材料和用品,隔晚浸好,今天一早再買七斤靚蘿蔔(其實還未理想,天氣未夠冷,蘿蔔的質素稍不及,算是可以接受啦),開工大吉。

首先,蒸熟臘肉和臘腸…..
 

切粒後再剁碎…….

再將浸好的冬菇、蝦米、瑤柱都剁碎…..

咪以為切切剁剁好輕鬆,呢 Part 工作我企住做了近兩個小時….

跟著的工作,就是刨蘿蔔….

咁又企住做了一個小時…..
 →

點解唔用攪拌器處理?
教我的師父(我那個已仙遊的外母)話過,做蘿蔔糕要親手切剁刨材料先好食,用攪拌器打碎材料係會無咁好味喎。唔知呢,從來未試過用攪拌器,我屋企亦都無呢種電器。不過呢,親手切剁刨的材料,做足三個小時,手都軟晒。

刨完七斤蘿蔔,大大煲,加水開火煮….

煮滾蘿蔔絲,將剁碎的瑤柱、蝦米、冬菇、臘肉、臘腸逐樣分開炒起,再放入蘿蔔煲撈均,加上調味的鹽同雞汁,煮到蘿蔔絲變軟,撈起一半蘿蔔絲及碎肉,壓乾水放於一旁備用,然後熄火,再倒入一斤半粘米粉半斤粟米粉,趁著湯熱將成煲材料攪均變成槳糊(下圖),倒回剛才撈起的蘿蔔絲和碎肉,用力攪伴攪均。

嘩,攪到我手都震晒,最吃力係呢 Part!

咦?製作過程無相片的?
係呀係呀,呢個過程太辛苦,要手快,而且滿手油同粉槳,無手拍照片….^^

噓……完成…..四底中 Size,五底細 Size….

開爐,將米粉槳蒸 50-60 分鐘,逐底蒸….

攤凍後放入雪櫃,抽一晚水後就會變硬,食的時候切片煎就可以…..
唔好以為九底好多呀,阿女已經預訂兩底,我同老婆各一底,其他的會送俾阿女的姨媽、幾個表姐表妹,九底蘿蔔糕話咁快就已經無晒。
 

瀏覽人次:2251

飛揚博客

Share to Google Plus

Comments are closed.

Post Navigation