話說，幾日前的星期一，早上……
我揹著背囊在便利店買報紙，準備付款後乘車去落馬洲，北上東莞。
可能星期一是多份周刊發行的日子，很多街坊都想搶先購買那些最爆的誹聞消息，而收銀台又只得一個人在處理，所以竟有七八個人在排著隊。我依龍尾跟著，準備依次付款，忽地，我揹著的背囊傳來一陣推力，回頭一看，見是個肥師奶慣性地用兩隻手瓜按住我的背囊向前推，似是心急地想要快點完成付款。
我不理會，繼續排隊，但那個師奶按住背囊的力度竟然加大。
喂，師奶，你估你大力推我貼住前面的那位先生，收銀員會收得快些的嗎？
我輕輕搖一搖背囊，卸一卸力 ，回頭瞪那個師奶一眼，繼續排隊，那個師奶先是縮手，卻不到兩秒後又再繼續用她的手瓜推我向前。如此這般，輕微角力約兩分鐘左右，終於到我付帳，那個女人卻仍然緊貼住我個背囊向前推。
按照人類習慣，付完錢我就稍退後不到一寸，準備向左轉走人。
那個師奶竟然大大聲咁叫：「喂！睇住後面呀！」
嘩！呢個女人丫！
係咪想撩交打？
真係想整招天馬流星拳過佢！
如果唔係趕車，真係想做一次便利店阿叔，同佢大罵一場！
瀏覽人次：2107
近期迴響