天價住宅

 
新聞報道:
有半山豪宅單位以天價出售,呎價十萬港元!

城中老百姓們,都忍不住O晒嘴!

大佬,十萬元一平方呎,係一平方英呎。

用我家的圖則,廁所四十零呎咁大的地方,已經要四百萬!

用回豪宅它的圖則,廁所有二百來呎吧,咁,就要二千幾三千萬!

條數咁計,我地一家三口要辛苦工作一百年,唔食唔用,只係買得起個廁所!

喔,條數應該唔係咁計,如果計埋做按揭的利息,我地一家三口要辛苦工作五十年,唔食唔用,先可以儲起四成首期,然後再辛苦工作二百年,唔食唔用,先至可以勉強供完個廁所!

期間,千萬不要加息,否則每加一個點子(○點二五巴仙),可能要供多十年!

有傳媒計過,用呢個幾千呎(實用面積)豪宅單位價錢,可以係沙田第一城買下成棟接近一百個單位,亦可以係天水圍買下兩棟兩百幾三百個單位。用呢條數來計,咦,來東莞常平,買下一整條街、甚至一整條村都得呀!

————————–

是羨慕?妒忌?我啋~~~~

我只係有點吃驚,有錢人原來真係可以咁樣花錢!

唉,真係失禮,未見過世面、未識過有錢人的我,真係失禮!!

不過呢,我都傻傻地去想過,如果我可以面不改色、眼都唔眨、完全唔需要做按揭,就咁可以一口氣拎四億五千萬來買一個物業單位的話,我會選擇這個位於西半山的頂級複式豪宅呢,還是會選擇係東莞買一條村?

真係窮酸書生的想法……
  

瀏覽人次:2149

飛揚博客

Share to Google Plus

Comments are closed.

Post Navigation