曾經，介紹了新版的內地金庸改編劇“射鵰英雄傳”。
早前些時，我在東莞看廣州台，看到正播新版本“書劍恩仇錄”….
周麗淇飾演翠羽黃衫，演得非常一貫的周麗淇，只識得一個表情…….
唔係話周小姐做得唔好，佢的樣貌算唔錯，只是，霍青桐係回族女子，感情豐富性格堅強，卻又礙於民族規範而強壓感情，是個多愁善感的女英雄、女強人，周小姐真係做唔到那些味道（同阿姐跟本無得比），所以，只見她來來去去得一種表情、一種眼神，而且總是呆呆痴痴的樣子，間中又只懂得傻笑、嘴藐藐的樣子。
唉……翠羽黃衫…….翠羽黃衫呀，全劇都穿著住白色衫裙…… 整套劇的內容改到九彩都唔在講（可能係金先生的原著改成咁，唔關編劇事），這齣好沉重關於民族間的情仇故事卻拍得非常兒戲，陳家洛好似郭靖上身一樣，呆呆滯滯，蠢蠢笨笨，唔見書生氣，更唔見紅花會總舵主的威嚴。 整套劇拍到嘻嘻哈哈的勁玩胡鬧，梁家仁、元秋加埋黃一飛，好似小丑般幼稚….. 哇，十分鐘唔夠，看到我吐血….又一齣令人極感失望的金庸改篇劇！ 都係個句啦，如果你唔係金迷，從來無看過原著小說或秋官阿姐版本的電視劇（趙文卓版的都最好無看過），忘記金庸小說、忘記秋官的陳家洛、忘記阿姐的霍青桐，將呢齣劇當作是編劇們的全新創作關於紅花會的武俠連續劇集，其實都唔怕花時間看看的，算係有少少創意咁啦……. 起碼秋官做的乾隆皇比當年後生個陣演的更入戲，更似個皇帝！ 套劇的外景好吸引，部份山河景好壯觀，故宮好雄偉….. 
近期迴響