書展二○○九

 
今年的書展,兩天前開幕….

有朋友問我:喂!你去唔去行下?

唉,我就最怕人迫人的地方,趁墟咁的場面真係唔合我的性格,我又唔會去買那些穿水著妹妹仔的寫真集,亦唔會逼入粉絲群中尖叫那些所謂歌手樂隊明星偶像,更加唔會搵其他的大作家簽名。要買書,平時行書店都已經買晒啦,咁鬼多人你推我擁,無論賣的書係七折定八折,都無晒興緻睇書買書啦,係咪?

又有另外的朋友問我:喂喂,書展你有無擺書賣呀?

嗯,我今年只得一本新書出版,但是連一本都出唔到街,點會有書店肯幫我擺書賣喎。

前年,有發行代理公司的攤位擺放我們出版社的二十多本書(七折賣,但賣出的書不算很多),去年我亦親身參與過澳門和香港的書店合作夥伴的書展攤位,在兩個大型書展提供空位讓我盡展曾經出版過的三十幾本書(八折賣,澳門賣得不錯,香港的成績卻差強人意),算是見識過書展是甚麼回事啦,亦知道書展這種活動,絕對不適合我們這些沒有名氣的作者。

今年,再也找不到肯幫忙的夥伴借位賣書,而我又唔想將過去出版過的書俾書攤賤賣到一百元七本,亦無財力能力毅力去租個攤位自我推銷宣傳,書展,應該從此與我無緣了吧!

不過,今年三位朋友都有新書出版,在書展推出。

在這裡,祝朋友們的書:熱賣啊!
 

瀏覽人次:1130

飛揚博客

Share to Google Plus

Comments are closed.

Post Navigation